خاطره بعنوان (إنسان ثاني)

من طرف **رشة عطر** الإثنين مارس 23, 2009 1:17 am

السلام عليكم ورحمة الله وبركاته
كنت يالسه أتصفح الإنترنت فحصلت هذي الخاطره أتمنى أن تنال إعجابكم .
بس أبي أشوف ردودكم أوكي

معاج انتي انا انسان ثاني
معاج القا ضياعي و كل وجداني

و احس ان الزمن يجري
و ايام العمر كلها ثواني

و اخاف تروح لحظاتج

و يدمي ياغلا بعدج عياني

انا لو قلت احبج كنت كذاب

انا اموت

و احيا بج و انتي عمري الثاني

تعالي بين احضاني اضمج
تعالي حسي نار الشوق فيني

تعالي بس تعالي

انا ما كنت شاعر
ولا ادري المشاعر
ولكن يوم شفتج

ثار الحب بركاني
و بديت اقرى و اكتب لج و افسر
معاني كنت اجهلها
ولا الها في قلبي اي معاني

وقلبي صار مب قلبي
احسه قلب ثاني

تغيبي ليش لا غبتي
تضيق الدنيا في عيوني

تثير عيوني بالدمعه
والاقيني غريب الدار باوطاني

غريبه كل هذا الكم
من الاحساس في قلبي
لقيته يوم لا قيتج

والقى كل يوم فيه
مشاعر غير
كانت
تخبت بين وجداني

غريبه
يا حبيبه
ويا بعيده وياقريبه
وش انت ي م البشر قولي
سحرتيني ملكتيني
ولا ادري ولا القا من يفسر عجب
ما بين كل اللي دفنته من افراحي و احزاني
انا من يوم ما شفتج
انا ما كنت
املك كل هذا الكم
من الاحساس
ولا ادري كيف
ولا من وين ياني

زماني
آه مدري وين اولّي وين ضاعت قوتي
وين الشجاعه
وين مني عنفواني
ولكن كل ما ادريه
اني وياج عاشق
و اتوسل

انا تغيرت بين ايديج
انا انسان ثاني

كلماتك والحزن توأمان محببان
يحرثان داخل القلب جراحا
ويثيران مواجع تذكرني بنقاء البشريه
واحتدام المشاعر
وتحول الكوكب العادي..الى قمر منير
له علاقه بالحب واهل الحب
الحب والحزن..عزيزي
هما قاسمنا المشترك عندما
تشرفني كلماتك...